Sin iseggasen n lḥebs. Ass-a 12 di yulyu 2023, Bouazi Ait Chebib d ilelli. Yelsa abeṛnus imezwura-nneɣ. Yettnaɣ ɣef tmagit-ines, am akk iḥeṛṛiyen, ddmen-t, ksen-as izerfan-is. Ass-a yuɣal-d ɣer twacult-ines d tid d wid i t-iḥemmlen.
Udem-is yettfeǧǧiǧ s tidet d tlelli. Abernus yerna-y-as cbaḥa. Yuklal tutlayt-is, yuklal tamagit-is, yuklal akal-is, yuklal a d-yidir d ilelli. Di tegnit am t-a, tamuɣli-nneɣ tṛuḥ ɣer imeddukal d temeddukal i yeǧǧa deffir. Nessaram-asen(t) tilelli s lḥir!
