Tamettant n Meriem At Amara d taɣeddaṛt – Lire la version en français
- Tafekka n Meriem At Amara ad taweḍ ɣer wakal n tmurt-is ass n letniyen, 15 di fuṛaṛ 2021.
- Meriem ad temḍel ass n tlata, 16 di fuṛa 2021, di taddart-ines Imula i d-yusan di Msisna, Sedduq, Bgayet.
Meriem d yiwet n teqcict yesɛa ala 15 iseggasen di tudert-ines. Teddem-itt tmekkast ass n 07 fuṛaṛ yezrin di Muntryal.
Tiyestmatin-ines d twaculin-nsent yettidiren da di Kanada ttwajerḥen. Tawacult-ines yettidir di tmurt ur uminen ara. Leqbayel anda ma llan ttwaḥuzan. Yal tin neɣ win yeslan deg umaḍal yenna – A wwuh.
Tamettant n Meriem d taɣeddaṛt. Tufa-d iman-is deg ujajiḥ n tṛeṣṣaṣin ur tebni fell-asent. Meriem d taqcict i d-yusan aken ad tɣaṛ da di Muntryal. Mi nemlal taselmadt-ines n tefṛansist i tt-islemden di Bgayet, ur tumin ara. Ur tumin arra ad tt-tewali deg usendduq. Tenna-d: «Meriem tḥemmal tudert, tḥemmel ad teḍs, tḥemmel taɣuri, teḥṛec aṭas»
Lǧanaza – Iḍelli, 11 du fuṛaṛ di Mutryal, tawacult-is d 25 n yemdanen ṛuḥen ẓṛan-d tafekka n Meriem. Tagnit n waṭṭan n tekmamt ur yefki ara azref i tzeqqa anda tres a d-skecmen nnig n 25 n yemdanen. Tiyestmatin-is ugint ad amnent. kkawen ifadden. Imeṭṭawen ur kkawen ara. Meriem daxel usendduq, ttwalint udem-is di lemri. D tagnit qaṛṛiḥen aṭas.
Tiqbayliyen d yeqbayliyen yettidiren da bɣan a tt-id walen, acku d taswiɛ n waṭṭan i d-yennan akka.
Nessaram tabɣest i twacult-ines s umata.